شعرالشعبی

زائر الکریم

موقع مواهب شیبان بدء فعالياته بعد ثلاثة ايام عطل فنّی ولکن به طلّه جدیده

آمل ان ینال رضاکم

منهو انته .. ؟ منهو انته .. ؟

او جالغريب ... اعرضت عني !!

.. اوضيعت كَلبي .. اورجفته

آنه ، من جافاه خله .. او مانصح

.. وياه وكته

آنه زين .. او شين .. لأجلك

غلّست عنه .. او حملته

كورت .. حسرات كلبي .. او شوكَي

.. بين اجلاي ، جبته

اوجيتك .. ابتله دليل ..

المايعن .. واشكثر لمته

جيتك .. اوجرني الهوى ..

اوطاعة .. ذليل الشوك ،

طعته

اوجنت . اظنك .. طيب .. اوجفك

على الطيبات ، فلته

حسبّت لسه اعله حالك .. اريحي

اوذاك الوفي انته

حسبت .. غم الوكت .. يا رخص

الحساب الحسبته

جيتك .. او حسبالي اخو..

اوسمت الاخو .. يطلب

ابدرته

يا ونين المانفع .. جارد صخر من

مات ، لاخته

او ياحسرتي الطوّلت .. ومكَضي

ليل اجفاك .. سكته

صابر .. اوذوّب سواد العين ..

صبري .. او ما جزعته

وانته ابد .. ما جنك انته حتى

يومن كوضّت كَلبي اوبلايه

اوداع عفته ..!!

وآنه اجيتك .. واليجيلك ابزوم

عاني لشوفتك .. ليه ما عرفته ؟

لا تلكَيته ! .. بسلام احباب ..

ومحاضن حضنته

اولا بجيت الحالته .. اولا نشّفت

.. بايديك دمعته

اولا كَطعت النفس منه ، اوطردة

الضايع طردته

اولا نشدته ! .. هذا المتاني الوفه

.. هلبت يناهي .. اعرفت

قصته

يا ندمته ، يا فشلته اشكَد تعب ؟

تالي ابجحف مكسور .. بعته

العيد باكر وأسعد الله ممساك	والله مدري وين خدٍ جلسته
وين أنت يلي عيدنا في محياك	كف القدر من ضيقت الخلق بسته
من يوم ما لوحت لي كف يمناك	لليوم دمعي بالخفا ما حبسته
ومن يوم ما ذوقتني حر فرقاك	والياس زرعه في حياتي غرسته
شريت لي ثوبٍ على شان لقياك	والثوب راحت موضته ما لبسته
وشريت عطرٍ ما زهاني بلياك	أربع سنين بعلبته ما لمسته
ودفتر قصيدٍ كل يوم يترجاك	ما فيه يومٍ ما سهرت ودرسته

 سهرت الیال عمــری اعلیک حیما

نمت واجفــــاک دم اچلای حیمــــا

یناهی اعلیک شبه المیت حیمــا

((ارد لو مایرد شخصک علیِّه))

 آه من خزرت حقد عین الشماته السانـــــــی شیوصّف عجزتوصیفــه

الصخّمت وجه المحبّه ابکل عزمهه وصاربعیون المفاخـــــرشیفــــــه

حتّی لو بلـــــزور واوی اشما یریـــــــــــد ایگول خلّــــــــه ابکیفـــــــه

 الیوم ابط ایـــــــــراب سرّی الما تعیّـــــــــن مــــــــن امس تکلیفــــــه

البعــــــــض بنگاب الاخــــــــو ابساحة العــــــزه الغدر شهّر سیفــــــه

ایصگعک ویرجوا العفوهذه العفو ابیا سوگ یمشی ابیا شکل تصریفه

الخلگ کاتلهــــــــه العطـــــــش والحاقد ابمای الشـــــــرب تشطیفـــــه

ابلیل العسرضـــــــــاع الدرب ما من کریـــــــم ابهل محاری انضیفـــه

ابحکم ضدّه الیوم مسجون الگلب ینتظرمن ریس السجـــــن تخفیفــــه

بلعچس طگّات الوکت والعــــــــاب زنده اشلـــــــون یاخــــــذ حیفــــه

للمجــــــــدشومهـــــــدوم بنیان الاســـــم وامحلـــــــت گاعـــــه ابریفــه

ابهامت الثور انشوف بســـــتوگ الوفه اوماعدنـه غیرام احمد العریفه

 احبّه ابیوم نقـــــرأ الالف واليـــاء

اوصــــرت اسئل عليك الراح والياء

انولينــــه بلمحبه اشلون والیـــــاء

(تضكنــــه وبل گلب کل ساع لیّه)

حبیبــــی البعد تدری الحـــال شلهــــه

او عگب شخصک یحلو الطول شلهه

محّــــد گال هــــل غرگــــان شلهــــه

(ابّحّر حبّک غرگت ابلا وعیّه)

 الفکّر محتار شیـــــألّف شیملـــــی

بهلی اللی ارسموا خطّة شيملــي

مكان اسلافنــــه الراحت شيملـــي

((لوّن ابلا قیّم عشنه وهویّه))

عطشت الشوفتک یاصاح وتهــل

عینی وبتت بالحســرات وتهــــل

متـــی ترجع علی وتعود وتهـــل

((وشمّک وشبکک مابین ادیّه))

 یگلبی ابظیم عشت وشفت بس هم

ومنّــــک صاحـــــوا الحبّـــــوک بس هم

میّـــــت ظال عالــــی الهـــام بس هم

(مثـــــل مـــــوت النخل فوگ الوطیّه)

علینه ابحـــــب علینه من علینــه

الجلیـل ابحــب علینه من علینــه

عرفنــــه ابحب علینه من علینـه

ومنحنه حب علی حامی الحمیه

صوره و شعر

ایتام الحی تلوی او تبچی وتگول

سهرنه  اللیل  کلّه  او ما قفینه

انتنطّر بلکی نسمع دگت الباب

تأخّر  شو   عجب   حیدر  علینه

بعدنه  انحس یمینه التمسح الروس

ابیسرته اشگد خبز جاب او کلینه

صحیح اللیل دامس لاکن انشوف

ضوات الکون تصطع من جبیته

عرایه  او  لیل  بارد وحنه نرجف

ولاکن لفنه  ابحظانه او   دفینه

ابو الأیتام غایب و احنه الأیتام

بعد یاهو  الیجی و یحن  علینه

بعد یاهو الیجی او یسئل علینه

کلمات ایوب الزرگانی

خل یبغضک سیّدی الماله ضمیر            وکلضمیرالحی یدورامودتک

انته اسمک نوروایضوّی الاکوان             و عرش للدنیه یحیدرگبتّک

الناس خل تعبداللیل اویانهار            ماتطب     الجنّه عگب اولایتک

ولوله جبریل ابضربتک لبن ود           چاشرگت الدنیه منگد قدرتک

یا ولی الله ویا والی الایتام                  تشهدابفضلک یحیدر یمنتک

انته جیش الکفرمن سیفک یبید        وحتی جیش الجن فنیته ابحملتک

انته اشرف رجل منبعدالرسول       واشرف امن الخلگ کلهه شیعتک

انته حامی الجاروموغلطه امن اگول          النارمتمسّه الینام ابتربتک

انته کعبةعشگ یاحامی الدخیل      وحگهه ناس اللّی تقدّس حضرتک

لأن اسمك نور ونخط بلگلوب          ویخسه کلمن ما ابگلبه امحبتّک

وصورتک بلعرش مولهل السماء  الباري حب ابعرشه يرسم صورتك

انته باب العلم ياصهرالرسول          وكل سنن مرفوضه اللّی سنّتک

وحتّی شخصک یا ابوالحمله عجیب مهو اببیت الکعبه وامّک جابتک

اذن میلادک اببیت الله صار           وبنفس بیت الله ضربوا هامتک

نتقدّم بأحر التعازي بمناسبت ذکری سنویة شهادت الفاروق الاکبریعسوب الدین وامیرالمومنین الامام علی بن ابیطالب(ع)

مدیرالمدونه الشاعرصدام ابوسجاد المعاوی -الشاعرایوب ابومحمدکربلایی زرگانی

تهلی ابجفه   اخوانی    منتهله

ماتتهل     التتهل        منتهله

دلیلی    الدوم   رافض منتهله

(خلص صبره وعمل ما عمل بیّه)

من ضیم الوکت گلبی ویعلام

ابجهل وازن  المایعلم ویعلام

علم ملفوف ما  ینعد ویعلام

الترف ترهب خصم بلموزمیّه

هنه مابی اسه الحب بس هم الحب

یگلبی احذریصیبک بس هم الحب

یامااعیون تهمل     بس هم الحب

(دمه وچم حیدبلحب شاف اذیّه)

ابجفه الخلّان   یاخل هم اناتهل

نشف مای المقل  دم هم اناتهل

یهلال العید   بلکت هم اناتهل

(تحن اگلوب خلتی الگصوابیّه)

بات بعیون القلم لیل       المصافن والگمرعاند شمسهه

والسمه گام ایتبسّم نجمه  نجمه وبارک الفرحه ابعرسهه

اللیله ظی الحسن    لاله وسورة          الباطل طمسهه

والقلم ماغمّض       اجفونه وکل دروس الحب درسهه

اللیله کل احروف       شوگی گمت  اعرفنهه واحسهه

اللیله حضنتنی         القوافی وجلت من روحی يأسهه

الليله كل مخلوق     مستر من       جمع جنهه وانسهه

الليله گلبی       ابشوگ بایت    والحزن عدته نکسهه

وکل کنایس         قافیاتی بلفرح    رن حس جرسهه

اللیله حومة        مفرداتي        بلغزل تلعب فرسهه

اليله صفناتي        اويه قلمي   للصبح يهمس همسهه

اليله متنوره      الديره او          مو مثل ليلة امسهه

ابمولدك ياحسن        بهجه الجنّه       هلیله ابنفسهه

وحگ    اللی هبط للارض  وحیه

اموت    اصبحت منفرگاک وحیه

علیک    اسهرت  کل اللیل وحیه

(ابحزن واجفاک شوف اشعمل بیّه)

نهاری    ابلطم خلصیته ولیلای

سهرته والدمع    هامل  ولیلای

العگل لای اعله فرگاکم ولیلای

(الگلب من یمرطرواکم علیه)

السمر و البيض إجن ليّه ابخبر كل وحده اتـگول انه لیّه الفخر
* * *

دخلن البیتي عليّـه سلـّمن گالن افرض یا فریض الحـگ لمن

گلت ما أعرف الدعوه اتکلمن لا تکتمن سر علیّه احچن جهر

* * *

گالت السمره انا احچی گبل کامله الأوصاف وافیت العـگل
الشافنی مذهول خليته يظل حاير او دمعه على خده شطر

* * *

گالت البیضه انا لـيّـه الحسن إنتي شنهي ، الشافني ظل ممتحن
حيث جيد او جعد مع ردف او متن أشبه البلور في طرفي حور

* * *

گالت السمره یبیضه اشهل غوه الشایفچ مغشوس انشدی اهل الهوه
راویه ابدمی او مو مثلچ دوه بوطره تحطين لبّاله حمر

* * *

گالت البیضه أنا ست الأملاح راويه الخدين مدگوگه الصفاح
إلشافني مرّه أبد ما يستراح ايگول شنهی هاي تضوي چل الگمر

* * *

گالت السمره علیچ آنه افتخر باعتدال الطول و القد و الخصر
و على هذا الكل بعد أحسن ستر العرض مصيون ضافيني الشعر

* * *

گالت البیضه عليّه اللی یمر ينذهل عگله ابدگی الچالشذر
إبغير ديرم دومها اشفافي حمر موش مثلچ ملحه و یحبچ غبر

* * *
گالت السمره یبیضه اشمچذبچ امصفرجه انتی دوم محّد يحمدچ
عنبر او مچیوف آنه من المسچ غالی الأثمان ببلاد الحضر

* * *

گالت البیضه اسکتی یازي سوید اشهل جدال ویای یم راس العنید
ما سمعتی اشگال فی شعره يزيد خالج امن الحور في الدنيه صور

* * *

گالت السمره یبیضه شهل زلل بالچذب تزهين ويبين الخلل
لو کبرتی عاد انه اضربلچ مثل دنبلانه او ذابله بین الشجر

* * *

گالت البیضه شیجیبچ إلی سکتی لا تلغین چنچ کاولی
آنه ابشوگی الیّه الأولي فرد بيعه ابيع لو أعرف خطر

* * *
گالت السمره إلچ ميّت عمیل او لنتی شبعانه بعد گلبچ یمیل
اشجایبچ لیه أنا ريم الكحيل مني الصياد ما يملك ظفر

* * *

گالت البیضه یسمره اشهل الکلام چنچ اخلاصي او راكس بلفحام
شجایبچ لیّه أنا تريك ابظلام چل بریج اخدودی ابلیلة مطر

* * *

گالت السمره بحچیچ چذبوچ ما سمعتی الناس حتى اللي خذوچ
انتي لب اگطین کلهم وصّفوچ باهته الماکول أبد ما بچ ثمر

* * *

گالت البيضه العمل مو بللسان من يقيس الليلو ويه الخنفسان
انچان آنه اگطين إنتي البيذجان يرّث السوده أو يخل حتى الفكر

* * *

گالت السمره أنا وصفی ذهب اشجایبچ للعنبره یصفر ذنب
تبرمين اوياي أبد مالچ سبب دوم کسلانه او جنابچ خسر

* * *
گالت البیضه ولچ تتوصلین شانچ انتی بالمطابخ تخدمين
شجایبچ لیه أنا الدر الثمین طالعه الغواص من غبّة بحر
* * *

گالت السمره ولچ لا زال أجود بالصبه و الكبر أزهى چل ورود
التبر آنه أرید احچی و أزود اللزم مثقال من عنده تجر
• * *
گالت البیضه اشیجیبچ للتبر وآنه اثبتچ اقراضه امن الصفر
یا فریضتنه أیا صافی الفکر یاهی إلها الصیت بالدنیه اشتهر

* * *
گال یا سمره أنا اشهد لچ خدوم ابیتچ کحیله او تگضین اللزوم
ونتي يالبيضه بدر بين النجوم مشرج وياضي على كل البشر

* * *

گالت البیضه نعم خوش افرضیت ما شفت مثلك أنا لك سلمیت
گالت السمره وانا مثلچ رضیت حیث ما شفنه خطأ منچ ظهر

* * *
گال الهن چان انتن تصدگن خل یروح الغیظ أود تتحاببن
گامن ابسرعه وهن یتضاحکن طال الرخصه يمن بيتك عمر

* * *
في أمان الله گال تسیرن یا ملاح الغيد لا تتعايرن
لعنن الشيطان ييزي من الفتن والتخالف هل حكم وحده اتعثر

 

الدنیه    اهموم دلالی  لمت بیه

وگمت انا مع الشامت لمت بیه

اذلّک یا گلب صدّگ لمت بیه

(مدامنک تحن علگطع بیه)