شعرالشعبی

ذخرحیدر     شهر  سیفه وعلما

وختم درسه امن ابوالیمّه وعلما

نزل     چن طیرعلشاطی وعلما

((((او ثبّت رایته فوگ الثنیّه))))

*************************

یخل تعرف محبتی انته وکتما

یظل دم   الجفن یهمل وکتما

سری   وانتخی عدمن وکتما

((اذا خلّی طلع یشتمت بیّه))

تحیاتی الکل شباب المحمره الادباء

شجانی اعله الگصوابیّه بس اتهل

اوعینی امن النظرکفّت  بس اتهل

یعید ابطلّت افراحک      بس اتهل

((ابحجتک راح ازور العن علیّه))

قاری العزیز ارسل لنا مالدیک من انواع الشعر الشعبی علی رقم هاتف

09363126940کی نکون فی خدمتکم لنشر اشعارکم علی هذا الموقع

شکرا لمتابعتکم لهذا الموقع .....انتظر اشعارکم....صدام ابوسجاد معاوی

بسم الله الرحمن الرحیم

الحمد لله رب العالمین رب الادب والشعر والخیال رب الصفنت والجمال والصلوات علی خاتم الرسل وعلی اله الطیبین .

امابعد بحمدالله بعد ماان قدمنا لکم موقع مواهب شیبان کان اهتمامنا ان نوسع موقعنا فقمنا بنشر هذا الموقع وسمیناه شهدلیکن شهدللقاریین الکرام وسعینا ان یکن موقع جامع لانواع البحور الشعریه فی الشعر الشعبی وغیرها من انواع

الشعروکما فی السابق نسعی ان موقعنا هذا یکن فی خدمت الشعرا المبتدین  کی یکون تحدی بینهم للصعود الی اعلی قمم الادب الاهوازی والسلام علیکم ورحمته وبرکاته .                خادم خدام الامام الشهید صدام ابوسجاد معاوی

العنوان : اللَّیثُ الهَمُوسُ

صحیح الیل مظلم ثــــــــوبه اســــــود لون

لاچـــــن لو یـــــــــطّل الـــــگمر بی یضوه

الاسلام بسم الهادی صــــــــــــــــح انهاب

لاکــــــن لـــــوله حیــــــــدر مامشت فتوه

سیــــــــف الذولفقار ابچـــف ابوالحسنین

عزرائیــــــــــــل بی متـــــــــــوسد البلوه

ابتــــــــــاریخ الاسلام اشگد لگینه ابطال

ماظن مثــــــل حیــــــــــــدر ینوجد قدوه

حیــــــــــدر من یصیح ابساحت المیدان

قائد جــــــیش الاخـــــــر یـطلب العطوه

ابـــــــن العامری اشــگد تانه یجدم حید

و جـــــــدّام الرسول اشــعمل و اشسوه

صاح ابعالی صوته الهادی یاهو ایگوم

های الــــــــــــــگاع یاهو ایلبّی الدعوه

بس صوت الگلوب اتدگ عذاب وخوف

وعله ارگاب السبـــــــــاع الموت یتلوه

حیــــدر گام مغضب شهرسیفه وصاح

چـــــــــــــایاهو بن وُدّ العامری العلوه

*****

سَتَشهَدُ لی بِالــــکَرِّ و الطَّعنِ رایةٌ

حَـبَانیِ بِـــــهَا الطُّهرُ النَّبیُّ المُهَذَّبُ

وَتَعلَمُ انِّی فـــی الحُرُوبِ اذا التَظی

بِنیرانِها اللَّیثُ الـــهَمُوسُ المُرَجَّبُ

ومثلیَ لاقَی الــــــهولَ فی مُفظَعاتِهِ

وفُلَّ لَهُ الجَیشُ الخَـــمیسُ الَطَبطَبُ

وَقَــــــــد عَلِمَ الاحیاءُ انی زَعیمُها

وانِّی لَدَی الحَربِ العُذیقُ المُرَجَّبُ

*****

زامط یبن عمی و انه عـــــــــــــد عیناک

آنه الموت خویه و آنه ابــــــــــو النخوه

لون ابطرج روحی افدیهه الــــک مولای

آنه وهلی و خــــوتی انروحلـــــک فدوه

تبسمـــــــله النبی و بان الــــــدمع بلعین

موخـــــــوفاً یموت وگفاتــــــه لن تسوه

ابن وُدّ انجــــــسم و الهادی وی جبرئیل

صاحـــــــو هله ابحیــــــدر و النعم اگوه

گالــــــو بـــــــــاب خیبر صعب ما ینزاح

وشما زاورو هلبـــــــــاب مــــــــا یهوه

ضل حایــــــر الجیش ابامر کسر الباب

واستخـــــــدموا قــــــوه وفشلت القوه

المعسکر یدری حیــــــدر ارمد العینین

ومقتنعین بی یفــــــــرجــهه بس اهوه

علی چنف وگامـــــــوا حیـــــــدر وکرار

جابــــــــــو بـــــــاب خــــیبر علزلم گوه

قنبر چان خـــــادم عنــــــــد ابوالحسنین

بس سلطان عـــــــاش و مالگه القسوه

علی کلما گصد یچسی الحسن واحسین

اول ما یفـــــــــــــرِّح قــــــنبر ابچسوه

علی الخــــایف امین ابسده چان ایبات

علی شیــــخ العشیره و صـاحب امروه

علی دمـــــعت یتیمه الحـــفرت الخدین

طاحـــــت بـارض عزه و خضرت خوه

علی ابصفنت صلاته الکون ضل محتار

وسهــــرانه اللیــــــالی ابنغمت النجوه

علی المحــــــراب بیته ونص کلام الله

علی حب الیتـــــامه و موعشگ توه

خلّی عینک      تکشف    اسرار الدموع

یاسبب        تجری  المدامع من سنین

والرموش          اسیوف   تذبح بلجفون

سیل سیلن         یادموع    العاشقین

سیل یا      دمع        الوفه لازم تسیل

او ونّی         یاروحی    ابحزن لتبطلین

والجفن            حگّه  یهل منّه الدموم

للنصر      میثاق             رب العالمین

خلّی        آهات الزمن        تكثر تزود

خلّی منشار             الصبر یعجز یلین

خلّی دوم            انّوح واندگ علصدور

وخلّی          العذّال       دوم امحیرین

ابروضة     العذّال     ذبلان      الضمیر

عدهم      السقّای    مایسقی ولعین

احنه ماشین    اعله منهج حق واصیل

احنه رویّنه     الضمیر      ابحب عجین

احنه حبّینه      ونوینه     اعله الصراط

هذه     مو وهم        وتخیّل بل یقین

اویبقی   حبنه ایدوم وایدوم اعله طول

نبقی    دوم       ابهذه حبنه امولعین

هذه     ابن خیر العمل بارض الطفوف

حیدرالکرار       فی    بدر      وحنین

زرع     بارض   الغاضریّه اچفوف اخوه

حصل       ایثار    وشجاعه ونصردین

جامعه          ومبنیه     بلحق کربلا

نهضت    ابطلاب        ثورة مبصرين

ويبقه   دگنه اعله الصدر طول الزمان

اگلوبنه تصرخ         تنادی یا حسین

چتفت      القلم        عن    چلمة      العباس

وظل        بیدی       یوّن     لکتابة      احروفه

شتون            ياقلم     واهواي       اليكتبون

اوما     ادّوا       وصف        عبّاس      معروفه

وانه       اهنا      اطبطب     بلشوطی اگواش

وبلّام          الشعر       غایر         ابمشحوفه

عمّی      لوردت     تنشد    وصف       عبّاس

لأن      الهلوكت     من    علگمی    الصولات

الحد    نفس    البلد    ترتجف    من    خوفه

ورفع      رایة ا    لخوّه    اهناک   یم احسین

ورف     شارب     حمیته     اوزینب   اتشوفه

اوجرّد    صارمه      وهلهلت      عد      عیناه

اوگلهه         الخاطرچ     لفنیلچ       اصفوفه

وهیه     اتعرفه     زین   ومو   چذب     لوگال

رابی      ابحضن      ابوهه   وتعرف    اظروفه

طلعت       من     وطنهه    ابشارب  العبّاس

اوتدری      بی     کفو     وحملاته    موصوفه

مثل     حیدر      ینکّس     رایت     الجیمات

اوکل     سیل     الیجی   ابحدصارمه ایروفه

عنوانه        العلم     والشهدبسمه السیف

اوخلّه      الغاضریه         ابخوف     مرهوفه

ماچلّت        یمینه     ولا   تمل       یسراه

اوشرّب     جیش    خصمه  کاس   محتوفه

کوّر     مشرعتهه     وگلبه     ناوی  المای

اونفسه      اعله    الحرم واحسین ملهوفه

عجیبه     خوّة      العبّاس     وی احسین

اوروحه      حیل     وی    احسین  مألوفه

ماهاب      الرماح       اوكثرة       النشّاب

ولا هاب      المعسکر    خیله    واسیوفه

جندل        چم   بطل چم  حید چم مغوار

او      منعنده     التفر     الاف     مردوفه

بس     علمه الیرف    بین السمه والگاع

او   رایات      الکفر     صبحّت     ملفوفه

ماعاف       ورجع    لوواجهته      اسباع

بس   اهیه التفر     من حربه     واتعوفه

درکلهه      ابعناده   وخیل تسحگ خیل

ظلّت       علثره      للطایر        اعلوفه

اویوم انگطعت اچفوفه وهوّه  اعله الگاع

السمه وسکانهه  سجدت  عله اچفوفه

القلم      ماله عگل    چامثلی هام اعلیک

ولو هو      ابلاعگل       وابشوگ    هاویلک

یقین         انته      الممیّزبین     خلق الله

لجل      های الاله         اختار    ترسیلک

طینک     نفس     طین  الصنع بیه الناس

بس       المستحیل    ان نصف   تحلیلک

مزج     فی طینک    الایمان     رب الکون

اومن      خلقه   العظیم   اختار   تعدیلک

المثل   شخصیتک انته   ومثله انته اتصیر

والمثلک      بس  انته   اوانته     تمثیلک

حراء    چان    الخشوعک  معبد اومحراب

صدگ     جسمه  صخربس اذنه تصغیلک

لهذا     صوت     اقرءالهسه    بیه   ایدور

بس    اتگلّه     اقرء    ایگوم     یحچیلک

گبلک      سیّدی    وبعدک  چثیره اجیال

بس       تختلف    انته  اویختلف  جیلک

جیلک    یعنی      حیدر    یعنی  التّمّار

سلمان      واسامه     اطیور     ابابیلک

اومن    نورک    سطع نوّر    ظلام الکون

اولسّه     الکون    یزهی   ابنور قندیلک

المثل شخصک یهون ایبات ابوالحسنین

بفراش     المنایا       او   روح   یفدیلک

اشگد احبّک صف الاوّل

او اوّل احچایات استادی المعلّم

والحروف الابجدیّه وریحة الطبشوروالصبّوره وکتابی الملوّن

صف الاوّل احله من کل ذکریاتی

واحله رحله ابکل حیاتی

لسّه مشتاگ ان اشوفک یامعلّم صف الاوّل

علمتنی ان اکون انسان یا انسان

وعلمتنی چلمة البابا الحبيبه

وچنت تاخذنیابخیالک للخیال

العالم المبنی ابعلامات السوال

وصوّغتنی ابآیدک الفنّانه شاعر

واکتبت اسمک قصیده اعله الدفاتر*********

الکرامت بنت اسد ربک  بطلهه

الکعبه وجابت الحرّه      بطلهه

جاب الحگ علی وازهق بطلهه

ابعلم واخلاق من    سیدالبریه

من کثرماحن الک گلبی اجیت

وجبت ویای القوافی والشعر

اومن حبر دمع الفرح هل وبچیت

ابدفتر الوجنه کتب ومضه الحبر

دفترعمری اثلث ورگات

ورگه الاولی اصبای الفات

والورگه الاخره الصفات

اوثالث ورگه علورگه الاولی والاخره مملیه حسره واهات

اولوگالولک شاعرمات

مادبّرشی من عمره

بس الحسره والاهات...بس الحسره والاهات...

یاحلات اشفافک اتضاهی الورود

والشمس من نوروجهک ضاویه

والعقیق البردبسنونک جمیل

البلحشا نیران عدهن داویه

ومن عجن طینک الله العالمین

خلّه ذراتک اگرنفل حاویه

وبلزلوف احتارت احروف المدیح

المثل نبعات العنبت متلاویه

والحواجب یاخناجریااسیوف

مثل قیسان المماتی ناویه

والعیون اقیاسهن شی مستحیل

امن المساحه البلوجه نص طاویه

والاخدود اتذوب بلحرکلجلید

المن جمال الحور ظنتی راویه

وعندک امن الحسن منکلشی بدیع

والترافه اتلوح فی کل زاویه

الخصرجاسم طولک الرایع اثنین

یعنی طولین ابحسن متساویه

وطلّت اجفونک جمال ابلاحدود

الروحی دوم الهن یلدعج هاویه

ابحگک امن اوصف حسن یوسف قلیل

والک کلهه اتروح فدوه امعاویه

                           وجه الشمس

اذابلشمس تطلع خایف اتذوب***لأن وجهك شمس وايذوب وحده

اوخدّک لون وردی وطعمه چکلیت****هم شایف بشرچکلیت خدّه

اونومک علمخدّه اشلون واشلون******اذا   انعم طبع من المخدّه

امقطرف والخصر چن خصرفنجان****الچلمه من جماله اترید گعده

سبحان الرسم کلهای الاوصاف****ترف ناعم   ظریف  اتگول زبده

اوشعرک لیل لمّن زلفک ایمیل****یکتل شکل شعرک من تشدّه

ورده خاف اگولن واغلط   ابهای*****لأن بیهه نقص  تجرح الورده

اوعینک سحراسوّد والله ستّار******ترمی اسهام تکتل من تصدّه

وشفافک عسل یا اجمل الناس**اوخی عونه المن اشفافک تغدّه

اوخنجرحاجبک من صنع صنعاء*******تكسربي طوایف من تهدّه

اومکیاجک طبیعی ابدون تولیف******یا میل الرمش عینک یسدّه

اوصوتک چن طفل مادارله الحول****ایناقی ویبتسم من تهزمهده

وذا بلعجد تطلع تگلب الکون*** **تصیر امن الشباب اهناک سدّه

***************************************************

چم صیف یاصاحبی ابهجرک علی واشتمر

ابطوعک چنت   یاترف کلما ردت   واشتمر

من یوم   ضعنک بعد  عن السلف واشتمر

حسیت طود   الصبر منّی  انهدم    وانهار

ابخدّی    بیابی الدمع   شگّت یرف وانهار

بلّیل   اعد   النجم   ابچی   ابهضم  ونهار

خاوی وطریح وسگم بعد اشتجی واشتمر

انهدم    طودالصبر بجفاک ونهار

الدمع فصّل ابخدی اجروف ونهار

شبه   ثکله انوح     ابلیل ونهار

اوسابع جار    تم   منّی ابأذیه

*******************************************

                                          تحدّی

اتحدّه       الیگول   انولد موبلبیت     اوطر  البلجدار    ایصیح لی    اتحدّه

حلگ قلم الشعر     یمکن تسدّه الناس  بس حلگ الجدار اتحدّه الیسدّه

یمحون الاثر      لاعیب  میگدرون   وبعده الشاهد    الصیرت   علی بعده

گلّه البار ی کن   وانشطرلمّه  البیت      مثلما للکلیم  البحر سد  سدّه

الفرق عصّه الکلیم  الشطربیهه المای     وام حیدر"علی الذل الکفرزنده

ولمّن   صارحیدر  مهده   صارالبیت       حواء  التلولي   وآسيه    اتهيده

اووگع ساجد الربّه ویتلی الایات      مثل عیسی المسیح وسبّح ابمهده

الفرق عیسی انطردوی امّه من البیت وعلی بیت الله امّه ومنّه شیطرده

علی     معجزة طه   یعنی اهو القرآن   ذوالفقاره آیه    وسورته   غمده

حرب خندق دلیل الکل الاستدلال    الکفر کلّه وگف   والحق وگف ضدّه

علی مثّل محمّد    یعنی القرآن     والباطل تکفّه    ابشخص    ابن ودّه

اوحسم سیفه  النصر   والبطل منّه انهار ومافادة کفر من صولته النجده

علی اسلام کامل یعنی   کل الدّین   وناس اللّی تبغضه    اعتقد مرتدّه

انجرح وانعاب      دلالي بسهمل

جفه ولفرگ      خلانی بسهمل

دمع وادری الالم گلبی بسهمل

شفه وشحواشسوی اشلون بیه

                                 صگرالطف

صگرحل جنحانه من طب لطفوف

وخله جیش الخصم یشبه للحبار

سوه  گاع الطف   لحدعلظالمین

منخزرته الگامت   اتطشر شرار

چنه ملک الموت هدوبیده سیف

یذبح   ایکبر  واله   ایصدر   قرار

حمرصدرالگاع    صارامن الدموم

ویمه  بیدرخله   من الروس صار

سیفه چن نافوره ینفخ  بلدموم

وخله جوالطف لبس سترت غبار

شرگت  الگاع  ابکثرشرب الدماء

وشرب ابسیفه الزلم بلطگ مرار

گام یرجف خوف چف  نهر الفرات

نوبه یصفروجهه نوبه  ایدل حمار

هدابوفاضل   اسد واعیونه  موت

تشگف الیسره ویمینه ابطگهه نار

ضهضب وغیم  مطربلطف  عذاب

ولبس العدوان  ذله   وصایه  عار

ویتبختر    علزلم     طب   للفرات

وشال گلب  المای حطه ابجربته

رکب غوجه وصاح وین الزلم وین

وانولد هات   القصیده    ابصیحته

((آنه   لیث    البلحرایب   مایلی

اوزینب   الگالتلی   عدل  مایلی

گوه  اخلی    الشط یقدم مایلی

اوبیدی اجیبه الزینب ام الماجدات))

العمرلال الرساله  وجلاله

لجل تکسب العلیاوجلاله

الیجل طه المعظم وجلاله

((یجله الباری دنیه وآخریه))

یاقسوره القلم الشعر لیک ملهوف            مهما  کتب  قلت  به القابلیه

اسمک صحیح        ان ینکتب اربع احروف                لاکن یساوی     کل حروف الابجدیه

عباس     یلباسک    بلحروب       معروف                یوم اللقا    سیفک ایسجلک هویه

بیک السجایا      ملت     کل     الاظروف                 واجمل سجیه الفیک صاحب حمیه

عسکر شجاعه     وقابلت  ذیچ الاصفوف                  واسحاب   سیفک گام یمطر منیه

زودک ملا     روس      الرجاجیل  بلخوف                   لن همتک    اتعادل جبال الرسیه

شنهی الرماح اتعاندک شنهی السیوف                   حیدر      اباک      وامک    البدویه

خصمک      رجل واحد      ام میت الوف                   اگبال کل       فیلق    میت سریه

انت اسطورت     نظال  وموش مشیوف                    گبلک ولابعدک          لک الاولویه

من حیدره ماخذ      صفات وبیه معروف                    کم کم      وکم کم      من سجیه

معروف یومک           مثلما یوم الوقوف                    کیف واباک    الماله بلملعب جدیه

فی صولتک      بابیل       انزل بلحتوف                    سجیل سیفک بی عذاب    وبلیه

منک رئاجیش    ابن سعداصعب اظروف                   فی حیهم      کل بیت انصب عزیه

من شیمتک       یاما حصل غیر مالوف                   فی کفک   المائ واحشائک ضمیه 

وسلمتکم